O que
recibiches gratis, dáo gratis
Hai cousas
que non teñen prezo e que fan un mundo mellor, máis xusto, solidario...más alá
das accións
Imos mirar
máis alá do grupo, da clase, da aula, do cole. Outros mozos, do noso ámbito e
de ámbitos máis afastados, vense afectados por realidades que lles dificulta o
seu crecemento físico e tamén nos demais ámbitos da persoa.
Queremos un
futuro máis digno para eles. Esa transformación no mundo xerará maiores
oportunidades para outras persoas e ao mesmo tempo, fainos mellores a nós.
Saibamos dicir, tal e como nos ensinou san Vicente: Convosco, cos outros, cos
máis necesitados, cos nenos e mozos que necesitan axuda.
MOMENTO 1: O que non recibes gratis. Por que cousas
pagamos?
Comezamos
cunha sinxela actividade. Como tantas veces, imos situarnos na realidade que
vivimos. Esta vez, facendo unha pequena lista das cousas que compramos no noso
día a día ou dos gastos económicos que realizamos e que nos fan a vida un pouco
máis sinxela ou cómoda.
O alumno
deberá completar a lista que aparece a continuación. Na lista aparecen cousas
polas que pagamos, pero que, ao mesmo tempo, son necesarias.
A pregunta
sería: Canto custa?
Unha barra
de pan: ______€
Un traxecto
en autobús: ______€
Ir ao
cine:______€
Un caderno:
______€
O último
que compraches e usaches:__________€
O que
compraches e non usaches moito: __________€
Último
obxecto que che gustou polo caro que é:_______€
Momento 2: vídeos anuncio "Máster Card"
Non ten
prezo" de MasterCard é unha das campañas publicitarias máis premiadas e
tamén máis imitadas. Neste momento, queremos achegar os valores contemporáneos
dos nosos mozos a aqueles valores que nos acompañaron sempre: a amizade,
compañía, relación cos pais...
Hai cousas
que non custan diñeiro, non teñen prezo, pero sabemos que son necesarias.
. Na praia:
. https://www.youtube.com/watch?v=XGZkL_51B1c
.
https://www.youtube.com/watch?v=Q_XFGewGlPo
.Cumprir
os teus soños:
Momento 3: o que recibiches gratis, dáo gratis
Como vimos
nos vídeos, hai cousas que o diñeiro non pode comprar e aínda así, son
necesarias para a vida, para ser máis felices, para sentirnos ben.
Neste
momento queremos reflexionar:
- Que
cousas valoras moito pero que non hai forma de compralas con diñeiro?
Intentaremos
que sexan cousas concretas, con persoas determinadas… Exemplos: amizade con
alguén, ir ao cine con alguén, dar un bico a unha persoa, axudar a un
compañeiro/a en algo.
Queremos
soñar un mundo máis xusto e tamén queremos construír un mundo mellor. Dentro da
campaña solidaria hai aspectos que van moito máis alá da acción que estamos a
realizar.
Primeiro
individualmente, cada alumno/a deberá reflexionar e facer unha lista con estes
aspectos e despois en grupos máis numerosos (4-5) xerar frases que teñan o
seguinte formato:
. O teu
bolígrafo 20 euros, o meu 3 euros...
. 1 kg de
arroz, 1 €...
… que estudemos xuntos, non ten prezo.
ou...Ser
solidario, non ten prezo.
ou...O que
unha persoa que viva unha situación pouco favorable, saiba que alguén está a
pensar nel, non ten prezo
ou...
Preocuparse polo outro, non ten prezo.
ou...O que
alguén poida comer unha vez ao día, non ten prezo.
Resumindo:
queremos trasmitir, unha vez máis, a solidariedade como valor que non ten
prezo, máis alá de accións concretas, puntuais. A solidariedade como actitude
ante a vida.
Momento 4: Vídeo
É o momento
de facer algo visible. En grupos deberedes realizar un vídeo coas mensaxes recollidas
no momento anterior e coa maior orixinalidade posible. Nas mensaxes estarán
recollidos os aspectos que para nós non teñen prezo e que entendemos son
necesarios para transformar o mundo.
No hay comentarios:
Publicar un comentario